Busch Gardens og myndir

Ferðin í Busch Gardens tókst í alla staði mjög vel, garðurinn mjög skemmtilegur, fullt af dýrum og ýmsu öðru til að skoða og svo lék veðrið við okkur, sól og passlegur hiti 🙂 Enhverjir létu sig hafa það og fóru í rússibana sem eru nokkrir í garðinum en þeir sem við prófuðum eru Kumba og Montu. Heimsóknin í garðinn tók allan daginn og enduðum við á því að fara á Benningans og fá okkur í gogginn. Í dag höfum við sleikt sólina, í morgun fórum við út að ganga eftir gangstíg sem liggur hér fyrir neðan og enduðum svo niður á strönd þar sem Gummi ýtti mömmu í hjólastólnum 😉 Við tékkuðum á hitastiginu á sjónum en hann var frekar kaldur en ekki svo að hægt var að vaða út í hann. Við syntum líka í sundlauginni sem er upphituð og alveg yndisleg og krakkarnir léku sér í boltaleik. Það er yndislegt að vera hér hálfber í hitanum og vita til þess að veðrið heima er bara kuldi og aftur kuldi. En það fer að styttast í ferðinni okkar hér því miður 🙁 Hér á eftir koma myndir sem ég hef lofað að kæmu á síðuna og njótið vel…

Frá hótelinu í Stuart Gummi og Gróa í íbúðinni á Treasure Island

Á ströndinni fyrir framan hótelið Gróa á ströndinni

Sunddrottningar Letilíf

Pabbi, mamma og Gróa Í Busch Gardens

Þorvaldur, Kristján og Gummi Þau gömlu

Í Skyrider, Þorvaldur, Gróa og Kristján Pabbi, mamma, Gummi og Edda

Skrýtnir fuglar Pabbi með einn páfagauk

Páfagaukur að hreinsa eyrun á mömmu Og meira af skrýtnum fuglum

Gummi teiknaður Allir saman í Busch Gardens