Category: Daglegt líf

Dagurinn í dag er bara búin að vera ansi ljúfur. Við höfum að vanda staðið í smá viðskiptum, fórum með leigara í Kmart og komum með smávegis til baka af varningi. Síðan höfum við gengið hér um nágrennið og skoðað hvað er í boði í hér. Á morgun ætlum við að vera eins og túristar og fara í skoðunarferð með báti á hjólum, heitir „Duck tours“. Eftir að hafa lokið við ferðina ætlum skoða okkur betur um og taka svolítið af myndum. Kannski koma bara myndir á síðuna eftir daginn… hver veit. En núna er ég að hugsa um að fara að góna á sjónvarp, fara í sturtu og nota jafnvel sloppinn sem fylgir herberginu og var lagður á rúmið þegar herbergisþernan bjó um okkur fyrir nóttina, þvílíkur lúxus 😉 Ég hef verið að tala við Þorvald í gegnum netsímann meðan ég pikka inn þessa færslu, tæknin er svo frábær eða þannig. Þar til næst bye bye

Jæja nú erum við Helga Lotta barasta komnar til Boston. Eftir næstum því 6 tíma flug lentum við á Logan Airport rétt fyrir utan Boston um klukkan 19 í gærkvöldi. Eftir að hafa komist í gegnum vegabréfaskoðun og pikkað upp töskurnar, fundum við okkur leigubíl sem flutti okkur á Hotel Lenox. Mjög gott hótel, rúmgóð herbergi þannig að það ætti ekki að væsa um okkur hér þessa daga í Boston. Við ætlum aðeins að sinna viðskiptum í dag og kannski skoða okkur um. Það er spáð roki og jafnvel rigningu seinni partinn (alltaf jafn heppin með veður eða þannig) svo að við förum kannski bara í mollið sem við fundum og okkur var sagt frá. Nánar síðar… auf wiedesehen 🙂

Jæja nú skrifa ég hér smá færslu í októberlok. Ég hef verið haldin smá ritstíflu, ég veit ekki alveg af hverju. Í síðustu viku var ég eitthvað „under the weather“ ef hægt er að segja svo, ég fékk einhverja skrampans magapest sem ég hef verið að hrista af mér það sem af er vikunnar. Ég dreif mig þó í síðustu viku í stöðumat hjá Hjartavernd og í dag fór ég að fá niðurstöðurnar. Ég gekk hálf efnis um góðar fréttir en það er eins og vanalega „ég er lélegur sjúklingur“ þ.e. það er ekkert að mér! Ég fékk auðvitað að vita að ég mætti grenna mig en ég vissi það nú fyrir en góðu fréttirnar eru þær að ég er með mjög háan stuðul í góðu kólestreóli, var spurð hvort ég lifði bara á fiski. En ég er greinilega á réttri leið með næringuna og þess má geta að það eru 0,2% líkur á að ég fá kransæðastíflu á næstu 10 árum (meðaltalið er 0.3%). Ég var því miklu léttari þegar ég gekk út frá lækninum en inn 🙂 Nú styttist hins vegar ískyggilega í ferðina okkar Helgu Lottu en við förum ekki á morgun heldur hinn. Við erum bara nokkuð spenntar og hlakkar til að fara að hlusta á ameríska fyrirlestra um leikskólauppeldi. Ég á jafnvel ekki von á að ég setji inn færslur meðan ég er úti en það kemur í ljós. En núna í þessum töluðu orðum þarf ég að fara að ganga frá þvotti og aðeins að fara að hugsa um hvað ég á að taka með mér. Núna er 14-16° hiti þar sem við erum að fara, vonandi helst hann bara 😉