Já tíminn líður svo sannarlega hratt komin miður apríl næstum og ég hef ekkert skrifað á síðuna síðan í mars. Það hefur svo sem ekki margt gerst á þessum tíma, jú gamla tognaði aðeins á ökkla. Bara svona hrasaði um sjálfan sig eiginlega en stundum gerist þetta 🙁 Hef haft hægt um mig þessa vikuna farið í jóga í staðinn fyrir tímana hjá Báru en ég hafði það markmið að komast í laugardagsfjör og það tókst hjá mér jibbíjei dansaði þar með fullt af konum, vorum fjórar úr átakinu. En aldrei þessu vant var ótrúlega mikið um snúninga og hringi hjá henni Ásdísi, kannski í tilefni af því að ég átti mjög erfitt með þá vegna ökklans en ég hafði þá bara mína útgáfu af dansinum eða þannig 😉 Í síðustu viku hitti ég gamlar vinkonur og samstarfsmenn, á miðvikudaginn bauð hún Dabba okkur heim þ.e. gömlu gellunum af Fögru og Litlubrekku. Það var ótrúlega langt síðan við hittumst síðast og svei mér þá ef þessar konur yngjast ekki bara með aldrinum (alla vega í anda)… Á fimmtudagskvöldið komu svo Halla, Dóra og Laufey í heimsókn til mín, það er ekki alveg eins langt síðan ég hitti þær. Það er alltaf mjög gaman að hittast svona, kjafta saman, borða góðan mat og bara hlæja 🙂 Nú er að hefjast ný vinnuvika sem verður liðin áður en maður veit af, um næstu helgi er svo mömmuhelgi hjá okkur Þorvaldi en þá kemur tengdó í heimsókn til okkar. Svo styttist nú óðum í reunionið á Laugarvatni, maður verður að fara æfa sig af fullum krafti fyrir það, því að þar hittist hresst lið sem kallar ekki allt ömmu sína eða þannig. Það styttist líka í það að Kristján fari til New York en hann ætlar þangað á ráðstefnu m.a. og svo líka til að skoða „The Big Apple“. Ég dauðöfunda hann því að ég hef ekki enn komið á þennan áfangastað í USA en er á leiðinni í nánustu framtíð 😉 Ég er að gæla við það að fara eitthvað til útlanda í sumarfríinu en ég hef ekki farið eitthvað í sumarfríinu síðan við hjónin fórum með Eddu og Gumma til London 2005. Jæja ég held að ég fari að hætta núna í bili, þar til næst… bless

Nú er allt orðið eins og það á að vera hér á Miðbrautinni. Ég orðin hress, farin að vinna og í ræktina, gott að geta farið aftur í sína eðlilegu rútínu 🙂 Nú er bara bjart fram undan eða þannig, þrátt fyrir krepputal og verðhækkanir þá held ég að lífið sé bara gott og maður eigi að vera bjartsýnn. Sumarið framundan sem vonandi verður hlýtt og gott, með rigningu í lágmarki og svo er nú daginn farið að lengja. Við mæðgur að hefja fimmtu viku í seinna átaksnámskeiðinu í World Class hjá henni Báru og komið að því að fara að haska sér í að halda matardagbók. Ég hef verið í einhverjum svona sætindaferli síðan ég kom heim frá Ameríkunni og í síðustu viku var lystinn ekki upp á marga fiska en þetta er allt að koma. Vigtun og mæling á fimmtudag svo er bara sjá hvort maður hafi náð markmiðum sínum 😉 Framundan er svo margt skemmtilegt að gerast, m.a. förum við hjónin á Laugarvatn í 30 ára reunion helgina 25.-27. apríl og hlakka ég mjög mikið til að hitta gengið. Versta er að ég missi af síðasta tímanum á átaksnámskeiðinu sem á að vera í Laugum með spinning, baðstofuferð og fleiru, þess má geta að ég missti líka af þessu á síðasta námskeiði, var einhver staðar annars staðar á hnettinum 🙁 Ég virðist alltaf að vera gera eitthvað annað þegar svona stendur á, það er ekki eins og ég sé alltaf að skemmta mér eitthvað en svona er þetta. Jæja ætli ég hafi þetta nú nokkuð lengra að sinni svo þar til næst…. blesssssss

Jæja nú held ég barasta að ég sé að ná heilsu, hef ekki mælt mig núna seinni partinn, er að verða eins og meiri háttar veðurathugunarstöð, svo ég veit ekki alveg hitastigið á konunni. Ég vona að ég sé orðin hitalaus svo að ég geti farið að lifa eðlilegu lífi, fara í ræktina, sækja vinnu og svona en mikið hryllilega er þreytandi að vera lasin 🙁 Ég horfði á CSI NY í dag og náði að klára alla þætti heimilisins. Svo þegar Edda kom heim úr vinnunni hjálpaði hún mér aðeins með ipodana mína, ég á alltof marga og hef átt í erfiðleikum með að setja inn á þá. Eftir að hafa skoðað þetta settum við upp facebook fyrir mig, gamla er bara komin með facebook. Það má segja að facebook sé fyrir fólk sem hefur ekkert að gera og þess vegna af því að ég hef ekkert haft neitt að gera í veikindunum þá dundaði ég mér við að skoða og gerast vinur og svona. Skemmtilegt en ég náði að tengjast gömlum vini, henni Söru Theódórs sem ég vann með á Litlubrekku og Mánabrekku í denn, bara skemmtilegt… svo núna erum við vinir á facebook 😉 Svo núna hef ég eitthvað til að gera í tölvunni eftir að hafa fært inn færslur hér eða þannig