Nú er gamla settið bara vaknað eftir ævintýri næturinnar. Ferðalagið byrjaði með eins og hálfs tíma seinkunn sem varð út af tæknibilun, við vorum búin að yfirgefa þægindin í lánsinu og vorum frekar þreytt við að hanga bara og bíða. Þegar við komum inn í vél komumst við að því að við vorum í saga class sætum í staðinn fyrir economy comfort, sem var bara alveg æðislegt. Þetta var þægilegasta Orlando flug sem ég hef farið í enda ekki hægt að bera saman síðustu flugferðir þar sem við höfum alltaf verið á almennu farrými. Við fengum svo alveg nýjan jeppa, silfur gráan, eigum eflaust eftir að þurfa að leita að honum fyrir utan mollinn 😉 og brunuðum beint á hótelið vandræðalaust. Hótelið okkar er alveg ágætt, alla vega sváfum við vel í nótt. Í dag á svo að sinna smá viðskiptum og hafa það ágætt í sólinni sem er að koma upp 😉

Jæja við sitjum hér gamla settið í lánsinu (lounge) í Keflavík og röðum í okkur flatkökur og meira góðgæti. Hér munum við bíða þar til kallað verður út í vél og við fljúgum á vit ævintýranna 😉

Á morgun rennur sá dagur upp sem við gamla settið á Miðbrautinni höfum lengi beðið eftir en þá fljúgum við á vit ævintýranna. Við ætlum að fljúga til Orlando og dveljum þar í sól og sumri í nokkra daga áður en við keyrum til Miami til að sigla um Karíbahafið. Þann 15. mars stígum við svo um borð í Jewel of the Seas og ætlum að sigla í 11 daga. Hér fyrir neðan er leiðarlýsing á siglingunni. Eftir að hafa siglt ætlum við að fljúga til New York í gegnum Miami og verðum við þar í 3 daga áður en við höldum heim. Hér verður hægt að lesa ferðasöguna. 🙂