Getur einhver sagt mér hvaða djúpa hola þetta er og hvar hún er? Verðlaun í boði fyrir rétt svar 😉

Leiðin frá Ragged Point til LA var stórkostleg, útsýnið fagurt og veðrið eftir því. Við vorum komin á hótelið okkar í Hollywood um kl. 18, rétt áður en myrkrið skall á. Herbergið var ágætt engin íburður, frekar gamalt en hreint og rosalega vel staðsett. Eftir að hafa fengið morgunmat á hótelinu, sem var með þeim betri, gengum við niður Hollywood Bouleward í átt að þeim stað þar sem skoðunarferðirnar hefja sína ferðir. Við gengum meiri hluta leiðarinnar eftir Walk of Fame og kíktum á stjörnur stjarnanna á gangstéttinni á leiðinni. Við komum að Kodak og Chinese Theater og hoppuðum upp í fyrri rútuferð dagsins, sem var um Hollywood og Beverly Hills. Ekki sáum við nú marga fræga á leiðinni en túrinn var góður og margt að sjá. Þegar þessari ferð lauk hoppuðum við upp í rútu sem flutti okkur í miðbæ LA þar sem einnig var margt að sjá. Gengum við svo aftur heim eftir langan dag. Morguninn eftir tókum við svo neðanjarðarlestina að Kodak Theater og tókum rútuna til að ná annarri rútu sem flutti okkur að Santa Monica Pier þar sem við eyddum næstu þremur tímum. Fyrst var smá þoka og lítið útsýni en eftir að hafa borðað á Bubba Gumb létti til og sólin skein á okkur þar sem eftir var dags og auðvitað tókst okkur að brenna smávegis. Við enduðum svo daginn með að fara í bíó í Chinese Theater þar sem helstu myndir Hollywood eru frumsýndar, við sáum myndina Unknown með Liam Neeson ágætis spennumynd. Við tókum svo lestina aftur heim seint og um síðir.

Dagarnir okkar hér í Borg Englana hafa verið frekar ásettir og við séð frekar mikið. Í kvöld fórum við í bíó í hinu fræga Grauman´s Chinese Theater þar sem helstu myndirnar eru  frumsýndar hér í borg. Við komum því seint og ferðalúin heim, þannig að við lofum betri færslu á morgun með fullt af myndum. Enn spurning dagsins er þó á sínum stað. Hún er svona: Hvar gæti maður rekist á svona spjöld?

Svarið er hér: