Hvar í Seattle finnur maður svona grip?

Við sitjum hérna á SFO búin að skila drossíunni og bíðum eftir fluginu sem fer eftir rúman klukkutíma 😉

 Seinni ferðadagurinn til San Francisco gekk vel þrátt fyrir snjó og hálku. Við hófum ferðina frá Best Western hótelinu í fjöllunum, við vorum aðeins að dunda í tölvunni og lögðum ekki á stað fyrr en kl. 11. Við ókum framhjá hinum þekkta stað Lake Tahoe og þar var allt á kafi í snjó og síðan héldum við í gegnum Carson skarð og þar leist okkur ekki á blikuna, við á sumardekkjum og snjóruðningstæki að störfum og krafa um að vera á keðjum eða með fjórhjóladrif. Ferðalagið gekk þó stórslysalaust og tveimur tímum síðar vorum við farin að keyra gegnum iðagræn vínræktarhéruð. Við tékkuðum okkur svo inn á Days Inn hótelið í San Bruno um kl.17. Undir kvöldmat skruppum við aðeins og kíktum í búðir og fengum okkur kvöldverð. Deginum í dag höfum við eytt í að ganga og keyra um miðborg San Francisco, meðal annars hið fræga Lombard stræti og ókum svo yfir Bay Bridge með viðkomu í Napadalnum. Eldsnemma í fyrramálið þurfum við að skila bílnum því við eigum flug til Seattle um kl. 10 😉