Við keyrðum fram hjá þessum snillingi sem hefur sagað með keðjusög þessi listaverk. ótrúlega flott allt saman. Það tók fjóra manneskjur, fjórar vikur að búa til stórfót sem er á einni myndinni, hann er holur að innan en samt ótrúlega flottur. Eftir að hafa eytt tíma í að skoða allt keyrðum við 16 Alt eða Iron Mountain Road ótrúleg flott leið með mjög mjóum einstefnu vegum, fallegum trébrúm og göngum. Við ætluðum að fara í Bear Country USA sem er dýragarður með villtum dýrum sem keyrt er í gegn en því miður opnar hann ekki fyrr en 25. apríl og þá erum við komin á klakann aftur. Við eigum það barasta eftir 😎

Það var ótrúlega gaman að koma að Mt. Rushmore og sjá þetta meistaraverk sem var gert hér á árum áður. Ótrúlegt að sjá að það hafa margir unnið við þetta verk að höggva þessa fyrrverandi forseta út úr fjallinu svo við getum barið þá augum um aldir og ævi. Við kíktum á Crazy Horse sem er líka fjall sem er skammt frá og þar er búið að meitla út índíánan Crazy Horse. Crazy Horse var sem sagt indíáni og er myndin af honum í stærsta höggmynd í fjalli og er staðsett í Black Hill í Suður Dakóta. Hann var talin fæddur 1842 og tók m.a. þátt í báráttunni um Little Bighorn.

Í dag var svolítið langur keyrsludagur, við keyrðum frá Bozeman Montana, keyrðum smá hluta af Wyoming og til Rapid City Suður Dakóta. Við stoppuðum með annars við Dewil´s Corner sem er fjallstindur sem skarar upp úr annars frekar flötu landi. Í Rapid City ætlum við að dvelja tvær nætur á La Quinta Inn æðislegur hóteli rétt við Mount Rushmore sem við ætlum að kíkja á á morgun.