Ferðadagbók Gróu

Nú erum við vöknuð eftir góðan nætursvefn og erum að gera okkur klára til að keyra til Key West. Við höfum verið í frekar lélegu internet sambandi svo að það hafa ekki verið settar neinar myndir á síðuna en það lagast vonandi í kvöld. En þar til þá see you…. 😉

Jæja nú erum við komin til Orlando eftir tæplega 8 tíma flug eða það var í gærkvöldi. Klukkan er nú 7 um morgun að staðartíma og við vöknuð að vanda enda er klukkan nú 12 heima, það var s.s. sofið frameftir 😉 Okkur gekk nú bara vel að fara gegnum tollinn enda sótt af flugvallarstarfsmanni sem kom með hjólastól fyrir mömmu, því að hennar stóll fór með farangrinum. Eftir að hafa fengið farangurinn fórum við og sóttum bílinn sem er 7 manna glænýr Dodge, við völdum rauðan því að maður týnir honum síður á bílastæðunum við búðarkjarnana. Auðvitað sinnum við einhverjum viðskiptum hér í Ameríkunni, þurfum að kaupa sitt af hverju fyrir siglinguna miklu. Nú stendur til að fara einmitt að sinna viðskiptum, þegar við erum klædd og komin á ról og svo er dagurinn óráðin eftir það. Við verðum í sambandi seinna 🙂