17. November 2016

Þrír dagar í eyjastoppi ;)

Í dag er fjórði dagurinn okkar i eyjastoppi og á morgun er síðasti stoppustaðurinn fyrir siglingu til Fort Lauderdale og komum við í land á mánudagsmorguninn. En síðustu dagar hafa verið æðislegir og allir skemmt sér vel þó sérstaklega Gróa Mjöll, hún heillar alla upp úr skónum. Hún hefur farið í krakkaklúbbinn og eytt þar nokkrum tímum í senn, hún biður um að fara sem segir kannski að hún sé leið á okkur hahaha…… nei kannski er það bara sólin og hitinn 😉 Daginn eftir Tortóla sigldum við til St. Kitts og þar fórum við í höfrungaklapp og knús með meiru. Við fórum út á litla bryggju og það kom höfrungur sem kallaður Dante að okkur og við fengum að knúsa og klappa og gera háa fimmu. Hann gerði líka alls kyns kúnstir fyrir okkur áður en við skoluðum af okkur og héldum heim í skip. Þegar þangað var komið kíktum við á alls kyns sölubása og sinntum smá viðskiptum eins og við höfum reyndar gert í öllum höfnum. Þetta var afmælisdagurinn hans Þorvaldar svo við vorum fínt klædd í kvöldmatnum og fengum dýrindis máltíð. Enginn kaka eða söngur en hann kom hins vegar næsta kvöld en gamli hélt hann væri sloppinn 😉 Þetta var út af smá misskilningi en var bara skemmtilegt því að herbergisþjónninn hafði líka skreytt herbergið með handklæðaskrauti og skrifað kort. En áfram með ferðasöguna, í gær vorum við í Dominica og þar fórum við í skoðunarferð sem endaði á æðislegri strönd sem við eyddum tíma í við alls kyns skemmtilegheit. Syntum í sjónum og lékum í sandinum þar til allir urðu rauðir og sællegir. Við enduðum svo ferðina í landi með því að ég og Gróa Mjöll fórum í hárgreiðslu, fengum fullt af fínum fléttum og perlum 🙂 Í dag vorum við svo á Antigua en við Þorvaldur vorum hér síðast fyrir 10 árum. Þar fórum við í skoðunarferð um eyjuna og mikið hafði breyst á þessum 10 árum, bæði hefur eyjan þróast mikið og það sem verra er að allir eru orðnir ágengari í að selja alls kyns þjónustu. Við eyddum meiri hluta tímans sem við höfðum í landi í að kanna Antigua. Gróa Mjöll kíkti á krakkaklúbbinn sinn eftir hádegismatinn og var með málað fiðrildi í andlitinu þegar hún var sótt. Gummi fór í land í könnunarferð en við hin hvíldum lúin bein. Í kvöld er svo kvöldverður hjá vinum okkar á 5. hæðinni og svo er sýning í miðjunni sem við ætlum að kíkja á. Gróa Mjöll hefur farið í miðjuna eftir kvöldmat og dansað við undirleik gítarleikara en hún er vel þekkt meðal eldra fólksins sem kemur og hlustar og horfir á ungviðið dansa en það hefur ein lítil vinkona dansað með henni. Á morgun er það síðasta stoppið St. Maarten en þar ætlum við að fara að kíkja á fiðrildi sem verður vonandi gaman. Þangað til næst endilega njótið 🙂

Meira »

16. November 2016

Fleiri myndir 😎

Hér koma fleiri myndir 😉

Meira »

15. November 2016

Dagur 3 og 4 :)

Í gær eyddum við deginum í dekur eins og okkur er einum lagið. Sumir fóru í ræktina, aðrir í sólbað, sumir í bæði en Gróa Mjöll fór í krakkaklúbbinn fyrir hádegi en fór svona u.þ.b. 100 ferðir í rennibrautinni eftir hádegi. Um kvöldið fórum við og borðuðum að vanda hjá vinum okkar í matsalnum, þriggja rétta málsverð sem engan sveik. Eftir það var farið í miðjuna þar sem Gróa Mjöll dansaði fyrir okkur og alla hina sem sátu þar. Hún hefur heillað alla upp úr skónum og margir vita hvað hún heitir og jafnvel vita hvernig hún var klædd í gær. Hún blaðrar við alla á ensku og lætur ekkert stoppa sig. Hún hitti meira að segja jólasvein í sumarfríi og eru þau nú orðnir mestu mátar 🙂 Fóru allir glaðir í háttinn frekar snemma því að við áttum að mæta snemma á bryggjuna í Tortóla.

Í dag var fyrsta stoppið sem sagt Tortóla 😉 Við höfðum pantað okkur ferð upp í fjöllin til að ferðast á milli trjátoppa á þar til gerðri línu nánar tiltekið zipline. Við vorum sótt af rútu alls 16 manns og keyrðum við upp snarbrattar hlíðar á endastöð. Útsýnið var ægifagurt á leiðinni og ekki versnaði það þegar upp var komið. Allir voru græjaðir með hjálm og belti með alls kyns krókum og fíneríi. Farið var yfir öryggisatriði og við spurt hvort við hefðum einhverjar spurningar og það hafði Gróa Mjöll, spurði á ensku hvernig við eiginlega kæmumst upp til að renna okkur. Við vorum alveg hissa en mjög upp með okkur á þessari spurningu. Síðan var haldið á stað upp eftir tröppum og stígum að fyrsta áfangastað. Gummi fyrstur, svo Gróa Mjöll og við hin á eftir. Það kom okkur svo á óvart hvað sú litla var brött og engin eftirbátur hinna. Eftir að hafa farið á 7 mismunandi brautir var ferðin á enda. Við keyrðum til baka og sáum meira af Tortola m.a. hið fræga Mossack Fonseca sem var mikið í fréttum heima fyrr á árinu. Við sinntum smá viðskiptum því það átti að vera Caribbean þema um kvöldið og fengu Gummi og Þorvaldur sér skyrtur, voða flottir, við hinar vorum í kjólum 😉 Eftir kvöldmatinn sem var meiriháttar fórum við og kíktum á tunglið sem hefur ekki verið nær jörðinni síðan 1948. Var það hulið skýjum svo að við fórum á miðjuna því sú stutta vildi fá að dansa sem hún og gerði, alltaf að slá í gegn 😉 Áður en við fórum í káetu kíktum við aftur á tunglið sem var komið undan skýjunum og var bara fallegt 🙂 Á eftir koma hér nokkrar myndir frá síðustu dögum endilega njótið.

Fleiri myndir koma seinna svo verið spennt 😉