😉 Já hún Edda mín litla/stóra er 22 ára í dag og við syngjum fyrir hana: „hún á afmæli í dag, hún á afmæli í dag, hún á afmæli hún Edda, hún á afmæli í dag“

Í dag er hinn frægi 11. september sem varð frægur 2001 á eftirminnanlegan hátt. Þessi dagur er þó enn eftirminnanlegri í augum okkar hjóna því að fyrir 26 árum, já 26 árum þá giftum við okkur 🙂 Við höfum alltaf haft þau fögru fyrirheit að gera okkur glaðan dag þennan dag en það hefur gengið misjafnlega að láta þau standast. Í dag vorum við í vinnu eins og vanalega og eftir vinnu fórum við mæðgur í smá snyrtingu hjá henni Jóhönnu okkar í Garðabænum en að því loknu fórum við hjónin og dóttir okkar og fengum okkur í svanginn. Því miður voru Kristján og Gummi ekki með okkur en þeir koma kannski bara næst. Um næstu helgi er mikið að gerast hjá okkur við erum að fara á fyrstu árshátíð sem Seltjarnarnesbær heldur og er mikið tilhlakk í öllum af því tilefni. Á morgun verður háuhæladagur í Sólbrekku og ég og hún Arna samstarfsfélagi til margra ára verðum með borðsiðakennslu, við erum nefnilega svo góðar í þeim þ.e. siðunum eða þannig 😉 Svo á sunnudaginn verður hún Edda mín 22 ára og ætlar hún að vera með afmæliskaffi fyrir nánustu ættingja. Ég verð kannski aðeins duglegri með skrif á síðuna framvegis og set inn myndir, hef ekki alveg verið að standa mig í þessu undanfarið…

Það er sko búið að vera sannkallaður latibær í gangi hér hjá mér í blogmálum undanfarið. En nú verður maður bara að setjast niður og skrifa, ef maður vill að einhver nenni að lesa það sem maður er að skrifa. Ýmislegt hefur gerst síðan síðast, gestir frá Danmörku, sumarfríið klárast, húsið tekið í gegn að utan og íbúðin að innan, Edda og Gummi að flytja svo eitthvað sé nefnt 😉 Núna erum við rúmlega hálfnuð með að taka íbúðina að innan og vonumst til að klára í enda ágúst, set nánari fréttir og kannski myndir fljótlega. Þar til þá…. bless