Hún Dísa vinnufélagi minn, magadansfélagi með meiru og ræktarþjáningarsystir er 45 ára í dag og ég verð að syngja fyrir hana í tilefni dagsins: Hún á afmæli í dag, hún á afmæli í dag, hún á afmæli hún Dísa, hún á afmæli í dag. Njóttu dagsins á Akureyri og skemmtu þér ógeðslega vel 🙂

Héðan af Miðbrautinni er allt gott að frétta, lífið gengur sinn vanagana að vanda. Við erum held ég alveg komin til baka frá Ameríkunni, bæði andlega og líkamlega, svefninn kominn á rétt ról og allt eins og það á að vera. Tíminn flýgur áfram, það er alltaf helgi finnst mér eiginlega. Maður fer í vinnuna og ræktina og svo er bara komið kvöld. Það gengur vel í ræktinni hjá okkur mæðgum og svo fer nú að líða að því að Þorvaldur fari að mæta og rækta kroppinn 😉 Við í vinnunni hittumst svo einu sinni í viku og æfum magadans, það er ótrúlega gaman að hittast og dansa undir stjórn hennar Nadíu sem kennir okkur. Nú það eru s.s. litlar aðrar fréttir af bænum nema að í gærkveldi fórum við mæðgur, þ.e. ég og dóttir mín á alveg geðveika tónleika með Sálinni. Sálin hélt nefnilega afmælistónleika í gærkveldi og við látum nú ekki svoleiðis skemmtun fara fram hjá okkur. Það var ótrúlegur mannfjöldi sem söng með og dansaði og maður gleymir þessu nú seint 🙂 Í dag fórum við svo í laugardagsfjör hjá henni Ásdísi og þar er alltaf fjör og mikið svitnað, sem er bara gott. Núna eru bara rólegheit á laugardagskveldi með bloggi og fleira skemmtilegu, heyrumst síðar…

Jú hú það er tæpur sólarhringur í brottför og spennan í hámarki eða þannig. Ég er alveg að verða búin að pakka, klára bara á morgun þegar ég er búin í vinnunni 😉 Ég fékk ágætis fréttir hjá henni Báru í World Class, tölurnar fara aðeins minnkandi en verð að vera dugleg úti og koma svo með baráttuna þegar ég kem heim. Næsta færsla verður frá svo frá Orlando í henni Ammeríkuuuu…. Þangað til næst, verið hress og bless 🙂