Nú ligg ég hér heima með einhverja leiðinda flensu, þ.e. í dag og í gær og hundleiðist 🙁 Er búin að horfa yfir mig á CSI og á sjónvarp yfirleitt, fæ fljótlega hausverk af því og hlusta þá bara og sofna á endanum. Reyni að lesa en það fer á sama veg, hausverk og svo dofnar hendur, skil ekkert í þessu. Verð að fara að hrista þetta af mér áður en ég verð kreisí, kemst ekki í ræktina eða meðal fólks yfirleitt. En hvað með það verð kannski bara að reyna að kíkja á internetið, skipuleggja sumarfrí eða eitthað… 😉

Eg vil óska öllum lesendum mínum gleðilegra páska og njótið nú dagsins og páskaeggjanna. Ég er að verða eins og jólakveðjurnar í gömlu gufunni en svona er þetta nú 😉

Ég verð nú að segja smá fréttir af heimilinu nú þegar ég er sest fyrir framan tölvuna. En nú eru bara allir heimilismeðlimir orðnir kropparæktendur í World Class, sá síðasti höfuð heimilisins með meiru skráði sig til lífstíðar í morgun (að hans sögn) 😉 Hann mætti s.s. galvaskur með okkur mæðgum, við fórum nú samt í laugardagsfjör hjá Ásdísi en hann hjólaði og prófaði einhver tæki á meðan. Þegar við vorum búnar sýndum við honum á tækin sem við kunnum best á eða þannig og síðan var teygt og svona. Við hjónin fórum svo í heita pottinn og spjölluðum við Palla Þorsteins sem var með okkur bæði í ræktinni og pottinum. Eftir að komið var heim fór Þorvaldur og sótti mömmu sína á Grundina og við mæðgur skruppum aðeins í Smárann að kaupa okkur smá mæru, hvað það eru nú páskar 🙁 Í gær elduðum við Kristján eða aðallega Kristján kalkún og komu mamma, pabbi, tengdó, Haukur, Hreiðar, Edda og Gummi og borðuðum með okkur þennan líka dýrindis mat. Eftir það var svo kíkt á sjónvarpið og svo fengum við vöflur sem Þorvaldur hafði bakað, bara æðislegt 🙂 Nú er páskafríið svona hér um bil hálfnað og við þurfum að fara að kíkja á skattaskýrslurnar en það var eiginlega svona áætlun helgarinnar. Þorvaldur er líka með þá hugmynd að klára að klippa videóið frá ferðinni, svo það er nóg að gera á bænum. Þar til næst….