Þar sem að ekki voru nógu spennandi fyrirlestrar í dag að okkar mati, notuðum við daginn til að kanna nýjar slóðir. Fórum við með Mörtunni í Atlantic Station, Lenox og Buckhead, gengum alveg helling í þessari ferð okkar og var það kærkomið að komast heim í heitt bað og afslöppun.Í ferðinni sáum við ýmislegt skemmtilegt m.a. eldgamlan jólasvein, já jólin eru greinilega að koma í Atlanta. Við fórum líka og áttum smá viðskipti við heimamenn, fórum í gamla herinn (Old Navy) og Markið (Target) svo eitthvað sé nefnt. Við enduðum svo á að borð á Hard Rock, staðgóða og holla máltíð. Morgundagurinn og föstudagurinn fer svo í að fræðast, hitta aðra kennara og það sem er best: að hafa gaman að þessu öllu 😉
Það virðist aðeins léttari brúnin á ykkur í dag og þið bara ekkert þreytulegar að sjá enda hafið þið fengið nóg að borða samkvæmt myndunum en það er nú venjan USA að hafa skammtana alveg full size 🙂
Kv. Tobbi
Ohh hvað mig langar að skoða allt þetta jóladót í Bandaríkjunum! Væri heldur ekkert á móti Old Navy og Hard Rock 😉 gott að sjá að þið eruð að nýta ferðina vel.
Maturinn á Harð-Grýti (Hard Rock) lítur vel út. Ég hélt að fjölskyldan væri hætt að fara í Markið?
Vonandi verða næstu tveir dagar stútfullir af skemmtilegum fyrirlestrum. 🙂
Góða skemmtun áfram, mæli með viðkomu á Stjörnubauk (starbucks) og SÍTRÓNUKÖKUNNI þar 😉
Góð Björg þú mundir fitta vel inn í mína fjölskyldu við erum svo góð í að þýða 😉
Þið verðið greinilega komnar í brjálaðan jólafíling þegar þið komið heim. Skemmtið ykkur vel á fyrirlestrunum 🙂